06 වැනි ශ්‍රේණිය චිත්‍ර ප්‍රශ්ණ සහ පිළිතුරු.

Ajith W.Perera /Ruveena Amarasinghe.

06 වැනි ශ්‍රේණිය චිත්‍ර  ප්‍රශ්ණ හා*පිළිතුරු ____________________________________

01- වෙසක් උත්සවයේදී ප්‍රමුඛතාව ලැබෙන පූජාවන් දෙක කුමක්ද ?
* ආමිස පූජාව.
   ප්‍රතිපත්ති පූජාව.

02- වෙසක් සැරසිලි නම්කරන්න.
* තොරණ,වෙසක් කූඩු,පහන්වැට.........

03- ප්‍රතිපත්ති පූජාවක් නම්......
* සීලසමාදානය.
   භාවනා කිරීම.

04- වෙසක් සැරසිලි සඳහා භාවිත කරන ස්වභාවික ද්‍රව්‍යය නම් කරන්න.
* ගොක් කොළ,ඉරටු, උණබට, පොල්කටු............
වෙල්කදුරු /නාවා ගස්වල ගෙඩි (පොල්තෙල් පහන් දැල්වීම සඳහා මැටිපහන් වලට විකල්ප ලෙස).

05- හින්දු භක්තිකයන්ගේ ප්‍රධාන ආගමික උත්සවය කුමක්ද ?
* තෛපොංගල් උත්සවය.

06- "තෛපොංගල්"යන්නෙහි තේරුම දක්වන්න.
* තෛයි:- ජනවාරී මාසය.
   පොංගල් :- අළුත් මැටි මුට්ටියක අළුත් සහලින් කිරි ඉතිරවීම.(එයින්ම  හකුරු,කජු ආදිය මිශ්‍ර  කිරිබතක් සාදාගනු ලැ‍බේ. මෙය පොංගල් බත් ලෙසද හඳුන්වයි.

07- තෛපොංගල් සැරසිලි නම්කරන්න.
* නිවසේ ප්‍රධාන දොරටුව දෙපස කෙසෙල් ගස් සිටුවා තොරණ ඉදිකිරීම.
පිරිසිදු කරගත් ගෙබිම මත කහ කුඩු,සහල්පිටි,වර්ණ ගැන්වූ සහල් වලින් කෝලම් රටා නිර්මාණය කිරීම.

08- මෙම උත්සවය පවත්වන්නේ කුමන දෙවියන් උදෙසාද ?
* හිරු දෙවියන් හට කෘතගුණ දැක්වීමට.

09- ඊදුල් ෆිත්ර් යනු කුමක්ද ?
* රාමසාන් උත්සවය මේනමින් හැඳින්වේ.

10- `සව්ම්´ යන්නෙහි තේරුම කුමක්ද?
* රාමසාන් මාසයේදී  ඉස්ලාම් භක්තිකයන් යෙදෙන උපවාසය හඳුන්වන නම.

11- රාමසාන් වලදී ඉස්ලාම් භක්තිකයන් දෙනු ලබන ප්‍රධාන දානයන් දෙක දක්වන්න.
* `Zසකාත්´ නම් අනිවාර්ය දානය.
`සදකා´ නම් අනිවාර්ය නොවන දානය.

12- නත්තල් උත්සවය සමරන මාසය හා ආගමිකයෝ කවරහුද ?
* දෙසැම්බර් 25.
කතෝලික /ක්‍රිස්තියානි ආගමිකයන්.

13- මෙම උත්සවයට බැඳුණු සැරසිලි නම්කරන්න.
* දේවස්ථාන හා නිවෙස් සැරසීම.
   ගවලෙන් සෑදීම.
   නත්තල් ගස් නිර්මාණය.

14- නත්තල් යන්නෙහි අර්ථය දක්වන්න?
* `නතාල´ යන පෘතුගීසි වචනය හා `නතාලිස්´ යන ලතින් වචනයේ තෙරුම `උපත´ යන්නයි.
'නතාල'යන වචනයෙන්
නත්තල යන්න සිංහලයට පෙරළී ඇත.

15- චෛත්‍යයක කොටස් නම් කරන්න.
* පාදම, පේසා වළලු(පියවසාව), ධාතු ගර්භය, හතරැස් කොටුව, දේවතා කොටුව, කොත් කැරැල්ල, කොත, චූඩා මාණික්‍යය( සිළුමිණ,වජ්‍රචුම්භටුකය).

16- චෛත්‍යය ගර්භයේ හැඩය අනුව ප්‍රධාන වර්ග හය දක්වන්න.
* 1. ධාන්‍යාකාර - වීි (ධාන්‍ය ) ගොඩක හැඩය.
   2. පද්මාකාර - නෙළුම් මලක හැඩය.
   3. ඝණ්ඨාකාර - ඝණ්ඨාවක (ඝාණ්ඨාරය) හැඩය
   4. බුබ්බුලාකාර/බුබුලාකාර-
දිය බුබුලක හැඩය.
    5. ඝටාකාර - කළයක් මුනින් අතට නැමූ හැඩය.
    6. ආමලකාකාර/ආම්ලාකාර - නෙල්ලි ගෙඩියක හැඩය.

17- ඉන්දියාවේ සාංචි ස්තූපයේ ඇති හර්මිකාව හා ඡත්‍ර සහිත යූප කුළුණ වෙනුවට ලංකාවේ චෛත්‍ය දක්නට ලැබෙන්නේ මොනවාද ?
*හර්මිකාව - හතරැස් කොටුව.
ඡත්‍ර සහිත යූප කුළුණ-  දේවතා කොටුව හා කොත්කරැල්ල.

18- හින්දු කෝවිලේ බිම සැලැස්මේ ප්‍රධාන කොටස් හතර නම් කරන්න.
*  1.මණ්ඩපය
    2.ගෝපුරම්
    4.ප්‍රදක්ෂිණ පථය
    5.ගර්භ ගෘහය

19 -ගෝපුරම් යනු කුමක්ද ?
* කෝවිලට ඇතුළු වන ප්‍රධාන දොරටුවේ ඇති උස් ඉදිකිරීම මේ නමින් හැඳින්වේ. මෙය අට්ටාල, විමාන හා පැන්නුම් කුළුණු වලින් සමන්විත අතර විවිධ මූර්ති රාශියක් ද දැකිය හැකිය.

20- හින්දු ආගමික සංකේතය කුමක්ද ?
* වෘෂභ කොඩිය.

21- මස්ජිදය යන්නෙහි තේරුම ලියන්න.
* ඉස්ලාම් පල්ලිය.

22- කුෆා හෙවත්කුබ් ( කුම්බා) යනු කුමක්ද?
* ඉදිරිපස ප්‍රධාන ගොඩනැගිල්ලේ ඉහළින් ඉදිකර ඇති,උල්වූ තුඩක් සහිත
ගෝලාකාර විශාල ශිඛරය.
 
23- මිනාර් හෙවත් මිනරෙට් යනු කුමක්ද ?
* මස්ජිදය දෙපස ඉදිකර ඇති කුළුණු,මේවා මතද කුඩා ගෝලාකාර ශිඛර තනා ඇත.

24- කැලිග්‍රැෆි( Calligraphy )යනු මොනවාද?
* කුරානයේ ආගමික පාඨ ආරාබි බසින් විචිත්‍ර ලෙස ලිවීමේ කලාව.(ඉස්ලාම් පල්ලියේ චිත්‍ර හෝ මූර්ති දැකිය නොහැකිය.

25- ලංකාවේ ඇති ක්‍රිස්තියානි දේවස්ථාන ඉදිකර ඇති නිර්මාණ ශෛලීන් දෙක නම් කරන්න.
* රෝමානු ශෛලිය.( බොකු වහල හා රවුම් ආරුක්කු සහිතයි.ප්‍රධාන දොරටුවට ඉහළින් වෘත්තාකාර කවුළුවකි.Rose Window )
ගොතික් ශෛලිය (දළ බෑවුම් සහිත වහල හා තුඩු සහිත ආරුක්කු ඇත මේතුල තුඩු සහිත ජනේල  රංජිත වීදුරු වලින් අලංකාරකර ඇත.)

26- රංජිත වීදුරු (Stain Glass ) යනු මොනවාද?
* කුඩා අලංකාරවත් වීදුරු කැබලි ආශ්‍රයෙන් බයිබලයේ කතා ක්‍රිස්තු චරිතයේ සිද්ධි නිර්මානය කර තිබීම

27- ක්‍රිස්තු දේවස්ථානයේ බිම්සැලැස්මේ ප්‍රධාන කොටස් නම් කරන්න.
* අල්තාරය
දෙපස කාමර
දිග් ශාලාව
ස්තම්භ( කුළුණු )
බයිබලය කියවන ස්ථානය
පිවිසුම දොරටුව.

28- අල්තාරය යනු කුමක්ද ?
ශාලාවේ එක් කොනක වේදිකාවක අලංකාර වැටකින්වටකර ඇති පුජාසනය.(එය පිටුපස බිත්තියේ කැටයම්,චිත්‍ර,හෝ රංජිත වීදුරු වලින්
ක්‍රිස්තු තුමන්ගේජීවන අවස්ථා දක්වා ඇත).

06 වැනි ශ්‍රේණියේ චිත්‍ර දරුවන්ට,
මෙම පාඩම් සඳහා අවශ්‍ය රූප සටහන්
O/L Art 2020
Whatsapp සමූහයට ගොස් ලබාගන්න.