07 වැනි ශ්‍රේණිය චිත්‍ර - ප්‍රශ්ණ හා පිළිතුරු.

Ajith W. Perera / Ruveena Amarasinghe.

චිත්‍ර විෂයයට අදාල ප්‍රශ්ණ හා *පිළිතුරු.

01- රූපවාහිනී කාටුන් යනු මොනවාද ?
* සරල හා වියුක්ත හැඩ සහිතව නිර්මාණය කරන ලද රූප පරිගණක තාක්ෂණයෙන් සජීවීකරණයට පත්කිරීම.
මෙහිදී විවිධ රසයන් මතුකිරීම සඳහා මන්දගාමී හා අධිවේගී චලන භාවිත කෙරේ.

02- රූපවාහිනියෙන් ප්‍රචාරය වූ විශිෂ්ට ගනයේ කාටුන් කීපයක් නම් කරන්න.
*දොස්තර හොඳ හිත
  පිස්සු පූසා
  කූඹිච්චී
  වලස් මාමා
  දඟර වලිග ලප වානර.

03- රූකඩ කලාව සඳහා ප්‍රසිද්ධ ප්‍රදේශය කුමක්ද ?
*අම්බලන්ගොඩ.

04- ප්‍රධාන රූකඩ වර්ග නම්කරන්න.
* නූල් රූකඩ
   අත් රූකඩ
   සෙවනැලි රූකඩ
   රිටි රූකඩ
   ඇඟිලි රූකඩ.

05- රූපවාහිනියෙන් ජනප්‍රියත්වයට පත්ව ඇත්තේ  මින් කුමන රූකඩ ද?
* අත් රූකඩ
   රිටි රූකඩ .

06- අප රටේ අතීතයේ සිට ජනප්‍රිය රූකඩ වර්ගය කුමක්ද ?
* නූල් රූකඩ.

07- ලංකාවේ වේදිකාගත වන ඓතිහාසික සිද්ධි  හෝ චරිත ඇතුළත්
රූකඩ නාට්‍යය නම්කරන්න.
*කාලගෝල
  පටාචාරා
  අජාසත්ත
  සිරිසඟබෝ
  වෙස්සන්තර
  ඇහැළේපොල.

08- තල්කොළ කර්මාන්තයේ දී නිපදවන භාණ්ඩ කීපයක් නම් කරන්න.
* පැදුරු
  පෙට්ටි, කඩහම්(විශාල පෙට්ටි )
   කුල්ල
   කුට්ටාන්(තල්හකුරු බහාලන)
   විලාසිතා ආභරණ
   බිත්ති සැරසිලි.

09- මෙම භාණ්ඩ සඳහා ප්‍රසිද්ධ ප්‍රදේශ දක්වන්න.
                    මඩකලපුව     යාපනය
පැදුරු           පාලමින්මඩු   වෙලනෙයි
                  තාලංකුඩා       වරනි
කුල්ල          පුදුක්කකුඩි       සින්නමඩු                                     තොප්පි       තිරායිමඩු       අල්ලාරෙයි
මලු,කූඩා      කල්කුඩා          පුත්තූර්

10- තල් කොළ පැදුරු වර්ග නම් කරන්න.
*  කදීර් පායි  ( අස්වනු වේලන පැදුරු)
පඩුක්කේයි පායි (නිදන පැදුරු)
වර්ණ  පායි (පාට පැදුරු)
පන්දිප් පායි (උත්සව පැදුරු )
සෝට්ටුප්පායි ( බත් පැදුරු ).

11- තල්කොළ පැදුරු වලට යොදන මෝස්තර මොනවාද?
* සියඹලා ඇට රටාව
තරු රටාව
හතරැස් රටාව
තිත් රටාව
සත්ත්ව රූ - ගිරවා,ගස,
මල,මල්වැල ( පූසාන්දිරම්)

12- යොදාගන්නා වර්ණ නම්කරන්න.
* කුකුල් සායම්  ලුණු, අරළු සමග
තම්බා ගැනීම.
කොළ, දම්,රතු,කහකුඩු - දියර සමග මිශ්‍ර කරගැනීම.

13- දුම්බර කළාල හෙවත් නියඳ පැදුරු වර්ග තුන දක්වන්න.
* පන්නම්කළාල(සාමාන්‍ය පැදුරු)
වැඩ කළාල (මිශ්‍ර සැරසිලි සහිත පැදුරු)
කුරුලු කළාල( කුරුලු සැරසිලි).

14- දුම්බර කළාල සඳහා යොදා ගන්නා සැරසිලි ඒකක නම් කරන්න.
*තොරණ්පෙත්ත
රත්වත්තේ අලංකාරය
තනි වැල් ඉරුව
දෙපොට ලණුව
මල් ගස
කුරුලුමෝස්තර
තාරා
නාග
ඇතා
මුවා.

15- දුම්බර පැදුරු හා පන් පැදුරු සදහා වර්ණ ගන්වන්නේ කෙසේද ?
*රතු - පතඟි දැව(Gareinia Gummigutta) හා
කොරකහ කොළ.
කහ- වෙනිවැල්ගැට (Curma longa) හෝ අමුකහ.
කොළ - කනේරු කොළ (Nerium odorm),ලුණු මිදෙල්ල,කැලෑ කොහොඹ(Melia dubia)
කළු - අරළු,බුළු කොටා තම්බා ගැනීමෙන්.

16- අතීතයේ පන් කර්මාන්තයේ යෙදුන පුද්ගලයින් හැදින්වුණු නම කුමක්ද ?
*`කින්නර´

17 - පන් පැදුරු සඳහා යොදා ගන්නා අමුද්‍රව්‍ය නම් කරන්න.
*තුන්හිරිියා පන්
ගල්ලැහැ පන්
බොරුපන්
වැටකෙයියා
දුණුකෙයියා.

18 - දුම්බර පැදුරු හා පන්කර්මාන්තය ප්‍රචලිත ප්‍රදේශ නම් කරන්න.
* දුම්බර පැදුරු - මහනුවර මැණික්හීන්න කලාසිරිගම.
පන් පැදුරු - කළුතර, ගාල්ල,ගම්පහ,රත්නපුර දිස්ත්‍රික්කය වල
මඩකලපු පන් පැදුරු :- වාලච්චේනෙයි, කල්ලාරු, කාත්තාන් කුඩි, එරාවුර්.

19 - එම ප්‍රදේශවල වියමන් වලදී භාවිත සැරසිලි නම් කරන්න.
* තනිපට/දෙපට ලණුව,කදුරු මල, අවුල්හැරේ, වංකගිරිය, මාසදොළහා, රත්වත්තේ අලංකාරය, තාරකා පෙත්ත,
අලියා, කුරුල්ලා,නයිපොරේ, මුවා,මකුළු රටාව.

20- මඩකලපු පන් පැදුරු වල වියන රටා අනුව වර්ග දෙක නම් කරන්න.
* ඔන්ඩිප්පායි - සමචතුරශ්‍රය, සෘජුකෝණාශ්‍රය,  ත්‍රිකෝණය, වැනි ජ්‍යාමිතික හැඩතල සහිත රටා.
පුනිප්පායි - සමාන්තර රටා.
(මේ දෙවර්ගයටම ආදාලව රටා 30කින් පමණ පැදුරු විවීම කරනු ලබයි.

21- ථූපාරාමය, රුවන්මැලි සෑය,
යන දාගැබ් පිළිබඳව විමසන්න.
*ථූපාරාමය :-
යුගය:- අනුරාධපුර
අනුග්‍රහය:- දේවානම්පියතිස්ස රජු
ඓතිහාසික වටිනාකම:- මිහිඳු හිමියන්ගේ පැමිණීමෙන් පසු ඉදිකල ප්‍රථම දාගැබ.
හැඩය :- මුල් හැඩය ධාන්‍යාකාර වන අතර, වර්ථමාන හැඩය ඝණ්ඨාකාර වේ.
උස:- අඩි 63කි.
විශේෂ ලක්ෂණ :- ලජ්ජිතිස්ස රජු විසින්
චෛත්‍ය වටකර වටදාගෙයක් (ථූපඝරයක්) සාදවන ලදී.

රුවන්මැලි සෑය :-
යුගය:- අනුරාධපුර
අනුග්‍රහය:- දුටුගැමුණු රජු
ඓතිහාසික වටිනාකම:- මේ විශ්වයේ වැඩිම සර්වඥ්ඥ ධාතුන්වහන්සේලා තැන්පත්කර ඇති දාගැබ.
හැඩය:- බුබ්බුලාකාර
උස:- අඩි 350.

22- ප්‍රාග්ඓතිහාසික සිතුවම් වැඩි පුරම හමුවන පළාත් දෙක නම් කරන්න.
*උතුරු මැද පළාත
නැගෙනහිර පළාත.

23- මෙම සිතුවම් සඳහා වස්තුවිෂය වී ඇත්තේ මොනවාද ?
*මිනිසා,සතුන් සහ සංකේත.

24- දැකිය හැකි සත්ත්ව රූප නම් කරන්න.
*අලියා,දිවියා,සිංහයා,කිඹුලා,පත්තෑයා, මුවා,ගොණා,වඳුරා,තලගොයා සහ මොණරා.

25- චිත්‍ර ඇඳීමට භාවිත වූ ශිල්ප ක්‍රම මොනවාද?
*1- රේඛාමය ඇඳීම
  2- ලී කැබැල්ලකින් හෝ ඇඟිල්ලෙන් සායම් තැවරීම
  3- සීරීමෙන් මතුකිරීමේ ක්‍රමය.(Engraving)

26- ප්‍රාග්ඓතිහාසික සිතුවම් ඇති ස්ථාන නම් කරන්න.
*තන්තිරිමලේ ලෙන (අනුරාධපුර දිස්ත්‍රික්කය).
දොරවක ලෙන(කෑගල්ල දිස්ත්‍රික්කයේ වරකාපොල ආසන්නයේ)
බිල්ලෑව ලෙන(අනුරාධපුර දිස්ත්‍රික්කය )

27- තන්තිරිමලේ ඇති විශේෂ සිතුවම් දක්වන්න.
*දුනුවායා,
සතෙකුගේ පිටමත යන මිනිසා,
කණ්ඩායම් සම්පිණ්ඩනය (නිවසක්තුළ සිටින මිනිස් රූප)

28- දොරවක ලෙනෙහි ඇති විශේෂ සිතුවම කුමක්ද?
*ඇතා සහ ඇත්පැටවා.
මාළුවා සහ මිනිස් රුව.

29- බිල්ලෑව ලෙන අැති සුවිශේෂී සිතුවම් නම් කරන්න.
*සතෙකු පිට යන මිනිසා
මොල්ලිය සහිත ගවයා
මිනිස් රූප සම්පිණ්ඩනය (නිවසක්තුළ මිනිස් රූප).

30-උද්භිද සැරසිලි හඳුන්වන්න.
*ගස් වැල් සහ මල් නිර්මාණශීලීව සිත්තම් කළ මෝස්තර ඒකක.

31- සැරසිලි නිර්මාණ ප්‍රධාන කොටස් දෙක සහ එයට උදාහරණ නම් කරන්න.
*ස්වාභාවික- (සපුමල,වැටකේමල, මානෙල්මල)
කල්පිත- (කඩුපුල් මල, සීනමල, පරසතුමල,කතිරමල,අන්නාසි මල)

32-මේවා දැකිය හැකි කලාකර්මාන්ත හා ස්ථාන දක්වන්න.
*විහාර බිතුසිතුවම්
ගල්කැටයම්
ලීකැටයම්

*ශ්‍රී දළඳා මාළිගාව.
ලේවැල්ල ගංගාරාම රජමහා විහාරය.
දෙගල්දොරුව රජමහා විහාරය .
ඇම්බැක්ක දේවාලය.