08වැනි ශ්‍රේණිය චිත්‍ර ප්‍රශ්ණ හා පිළිතුරු

Ajith W.Perera /Ruveena Amarasinghe.

චිත්‍ර -  ප්‍රශ්ණ හා පිළිතුරු 08 වැනි ශ්‍රේණිය.

01- බුදු පිළිම පිහිටුවා ඇති අාසන දෙක කුමක්ද ?
*පද්මාසනය - පද්මයක් ආකාරයෙන් කැටයම් කර ඇති වෘත්තාකාර පීඨිකාව.
වජ්‍රාසනය - වජ්‍රයක සළකුණ කැටයම් කර ඇති ආසනය.

02- හිඳි බුද්ධ ප්‍රතිමා වල දෙපා පිහිටුවා ඇති ආසන ක්‍රම තුන නම්කරන්න.
* 1- වීරාසන
   2- පද්මාසන(යෝගාසන)
   3- භද්‍රාසනය

03- වීරාසනය හඳුන්වන්න.
*වම් පාදය මත දකුණු පාදය සිටින සේ වාඩිවී සිටින ආකාරය.

04-  පද්මාසනය හඳුන්වන්න.
*යටිපතුල් දෙකම උඩු අතට සමව පිහිටන සේ වාඩිවී සිටින ආකාරය.

05- භද්‍රාසනය යනු කුමක්ද ?
*කෙටි ආසනයක් මත දණහිස් නවා යටි පතුල් පොළොවට ස්පර්ශ වන සේ හිඳගෙන සිටීම.

06- බුදු පිළිමයේ මුද්‍රාව යන්නෙන් කුමක් අදහස් වේද?
*සංකේතාත්මකව දෑත් තබාගෙන සිටින ආකාරය මින් අදහස් වේ.

07- බුදු පිළිම වල මුද්‍රා නම් කරන්න.
*ධ්‍යාන (සමාධි) මුද්‍රාව:- සමාධියට (ධ්‍යානයකට)  සමවැදුණු ආකාරය.

අභය මුද්‍රාව:-නිදහස දීම සංකේතවත් කරයි.

විතර්ක මුද්‍රාව :- ගැටළුවක් විසඳන අවස්ථාව.

භූමිස්පර්ශ මුද්‍රාව :-මහ පොළොව සාක්ෂි යන අර්ථය.

වරද මුද්‍රාව :-වරයක් දීම.

පර දුක්ඛ දුක්ඛිත මුද්‍රාව :-අන්‍යයන්ගේ දුකේදී කම්පා විම.

ධම්ම චක්ක මුද්‍රාව:- ප්‍රථම ධර්ම දේශනාව (ධර්මය දේශනා කරන).

කටක හස්ත මුද්‍රාව :-යමක් අල්ලාගෙන සිටින අවස්ථාව.

08- හින්දු ප්‍රතිමා වල ආසන ක්‍රම මොනවාද?
*ලලිත ආසනය ( පීඨය මත හිඳගෙන සිටින ඉරියව්වකි.එක පාදයක් නවා අනෙක්  පාදය නිදහසේ පහතට දමාගෙන සිටින ආකාරය).

රාජලීලාසනය (වම්පය තිරස් අතට නවා,දකුණු පය සිරස්ව නවා දකුණ'ත වැලමිට දකුණු දණහිස මත තබාගෙන).

පර්යංක ආසනය(පුටුවක හිඳ දෙපා පහතට නවා තබාගෙන සිටින ආකාරයකි).

09- හින්දු ප්‍රතිමාවල මුද්‍රා මොනවාද ?
*අභය මුද්‍රාව.
වරද මුද්‍රාව .
විතර්ක මුද්‍රාව.
කටක හස්ත මුද්‍රාව.

ගජහස්ත මුද්‍රාව(අලි හොඬවැලක ස්වරූපයෙන් අත්ල හා ඇඟිලි පහතට දිගුකර.බාධක ඉවත්කර නිදහස ලබා දීම).

නමස්කාර මුද්‍රාව-අංජලී මුද්‍රාව (ආයාචනය,ප්‍රාර්ථනය  වැඳීම දැක්වේ.)

ලෝල හස්ත මුද්‍රාව (කාන්තා දේවරූප සඳහා භාවිත වේ. පහළට දැමූ අතෙහි අත්ල සහ ඇඟිලි රිද්මයානුකූලව පොළොවට දිගුවන සේ නිරූපිතයි.තැන්පත් බව නිරූපණය වේ.

10-යුරෝපා ප්‍රාග්ඓතිහාසික සිතුවම් කුමන කාලයකට අයත්ද?
*ක්‍රිපු 40,000 - 10000 අතර කාලයකට අයත්වේ.

11- යුරෝපා ප්‍රාග්ඓතිහාසික සිතුවම් සඳහා ප්‍රසිද්ධ ස්ථාන නම් කරන්න.
*ප්‍රංශයේ ලැස්කෝ ගුහාව.
  ස්පාඤ්ඤයේ ඇල්ටමීරා,ෆොන්ඩිගෝම් සහ කොගුල් ගුහාව.

12- දේශීය සාම්ප්‍රදායික සත්ත්ව රූ කැටයම් ඇති ස්ථාන නම්කරන්න.
*ලී කැටයම් - ඇම්බැක්ක දේවාලය, හින්දු කෝවිල්.
බිතුසිතුවම් - මහනුවර ශ්‍රී දළඳා මාළිගාව, මහනුවර ගංගාරාම රජමහ විහාරය,දෙගල්දොරුව රජමහ විහාරය,
රිදී විහාරය, රන්ගිරි දඹුල්ල රජමහ විහාරය.ලංකාතිලක රජමහ විහාරය ඇතුළු මහනුවර යුගයේ රජමහ විහාර.
හින්දු කෝවිල්.

13- සිංහල සාම්ප්‍රදායික සැරසිලිවල එන සත්ත්ව රූප නම්කරන්න.
*හංසයා/හංස පූට්ටුව  - බිතුසිතුවම්, ලීකැටයම්, ඇත්දත් කැටයම්,රන්රිදී ආභරණ, පිත්තල ඇතුළු ‍ලෝහ භාණ්ඩ, පුස්කොළ පොත් කම්බ.

සිව් හංස පූට්ටුව  - බිතුසිතුවම්(මහනුවර  ශ්‍රී දළඳා මාළිගාවේ පල්ලේ මාලයේ සිවිලිම් චිත්‍ර ) ලංකාතිලක රජමහ විහාරය.

සිංහයා - බිතුසිතුවම්,ලී/ගල්කැටයම්, වඩිම්බු උළුකැට, රන්,රිදී හා පිත්තල භාණ්ඩ.

ඇතා,අශ්වයා,ගවයා,ගිරවා,මොනරා,
නාගයා - බිතුසිතුවම්,ගල්හා ලීකැටයම්,පිත්තල.

ඇත්කඳ ලිහිණියා,භේරුණ්ඩ පක්ෂීයා, ගජසිංහ, සරපෙන්දියා - බිතුසිතුවම් ලී හා ගල් කැටයම්,රන්,රිදී හා පිත්තල භාණ්ඩ.

14- දෙමළ සාම්ප්‍රදායික සත්ත්ව රූප දක්වන්න.
* සිංහම්
   නාගයා
   නන්දි වෘෂභ
   යාලී - කෝවිල් සිතුවම්, ලී හා ගල් කැටයම්.