10 ශ්‍රේණිය චිත්‍ර - දෙගල්දොරුව රජමහ විහාරය.

Ajith W.Perera - St,Sylvester's College.
Ruveena Amarasinghe -
CP/Wath/Arangala K.V.

දෙගල්දොරුව රජමහ විහාරය.

* මහනුවර යුගයට අයත් සිතුවම් සහිත, ලෙන් විහාර වර්ගයට අයත්ය.

* කීර්ති ශ්‍රී රාජසිංහ රජු (ක්‍රි.ව.1747 -1782) විසින් ගොඩනගන ලදී.

* මෙහි සිතුවම් ඇඳි ප්‍රධාන ශිල්පියා දෙවරගම්පල සිල්වත්තැන වන අතර කොස් වත්තේ සිත්තර නයිදේ සහ නීලගම පටබැන්දා සහය විය.

* ගර්භ ගෘහයට ඇතුළුවන දොර දෙපස බිත්තියේ වෙස්සන්තර ජාතකය හා සුතසෝම ජාතකය සුවිශේෂ නිර්මාණ වේ.

* වෙස්සන්තර ජාතකයේ එන "ඇලි ඇතු දන්දීමේ චිත්‍රය " 
ඇතා ගේ සජීවී චලනය හා රිද්මය මනාව දක්වා ඇත.

* සිතුවම් නිර්මාණයේ සුවිශේෂී ලක්ෂණ:-
- තීරු සංරචනය තුල අඛණ්ඩ කථන ක්‍රමය හා පාර්ශව දර්ශී රූප.
- ද්විමාන ලක්ෂණ සහිත පැතලි වර්ණ භාවිතය.
- වර්ණ සඳහා කහ,කොළ,අඳුරු රතු,කළු,සුදු වර්ණ භාවිතය.
- රූප වටා නිමාව දක්වන ප්‍රශස්ත මට්ටමින් යුතු සියුම් රේඛාකරණය.
- පසුබිම සඳහා අඳුරු රතු වර්ණ  යොදාගෙන තිබීම.
- පසුබිමෙහි අවකාශය පිරවීමට විවිධ මල් වර්ග භාවිතය.
- සමස්ත සංරචනය තුල පරිමානය හා පරියාවලෝක රීතීන් නොසැලකීම.

* වියන්තල සිතුවම වන "මාරපරාජය"සිතුවම ඉතාමත් සුවිශේෂවේ. මෙහි තුවක්කුවක් අතින් ගත් මාරයකු දක්වා තිබීමෙන් එම යුගයේ සමකාලීන අත්දැකීම්  හා ද්‍රව්‍ය නිරූපණයට ශිල්පියා උත්සහ දරා ඇත.

* සිතුවම් වලටඅමතරව පිහිටි ගලෙහි නෙලා ඇති සඳකඩපහණ මහනුවර යුගයේ සුවිශේෂී නිර්මාණයක් වන අතර එහි ප්‍රධාන මොස්තරය ලෙස තිරිඟිතලය
යොදා ඇත.