7 වැනි ශ්‍රේණිය - චිත්‍ර - තල් කොළ කර්මාන්තය.

තල් කොළ කර්මාන්තය.
Ajith W.Perera /Ruveena Amarasinghe.

* තල් ගස බහුලව ව්‍යාප්තව ඇති උතුරු නැගෙනහිර දෙපලාත් මුල් කරගෙන මෙම ජන කලා කර්මාන්තය  පැතිර ඇත.

* දකුණේ පොල් ගස මෙන්ම ගසේ සියළු කොටස් විවිධ නිර්මාණ සඳහා යොදා ගනී.

* මෙම නිර්මාණ අතර,
  පැදුරු :-මඩකලපුව-
  පාලමින් මඩු/තාලංකුඩා.
  යාපනය - වේලනෙයි/
               වරනි අල්වායි
කුල්ල:- මඩකලපුව-පුදුකුඩුයිරුප්පු, යාපනය -මානවලෙයි.
තොප්පි :- මඩකලපුව -තාලංකුඩා/තිරායිමඩු. යාපනය  
  සින්නමඩු.
  ඌවල්,කොත්තු මූඩල්(පෙට්ටි විශේෂ වේ),
  කුට්ටාන් (හකුරු බහාලන),
  ආභරණ,
  බිත්ති සැරසිලි.

* පැදුරු කර්මාන්තය:-
   - විවීමේ ශිල්ප ක්‍රමය .
   - මෙම කර්මාන්තයේ බහුලව   
     කාන්තාවන් නියැලෙනු                    දැකිය හැකිය .
                 
      පැදුරු වර්ග කීපයකි.

     කදීර්පායි- අස්වනු පැදුරු.
     පඩුක්කේයි- නිදන පැදුරු.
     වර්ණපායි- පාටපැදුරු                 මංගල අවස්ථාවල බාවිතා
      වේ.
     පන්දීප් පායි - උත්සව
     පැදුරු.
     සෝට්ටුපායි- බත් පැදුරු.
 
පැදුරු වර්ණ කිරීම:-

  *  ජලය ලීටරයකට සායම් තේ හැන්දක්මිශ්‍රකර තල්කොළ දමා               තම්බා ගනී.
 * පසුව ඇල් දියෙන් සෝදා
පවනේ වේලා ගනී.

තල් කොළ පැදුරු රටා                   මෝස්තර......
* සියඹලා ඇට රටාව.
* තරු රටාව.
* හතරැස් රටාව.
* මහා කෝණික ත්‍රිකෝණ ර                
    රටාව.
    තිත්රටා,ගිරවාමල,ප්‍රසාන්දිරම්
(මල්වැල ).

9 වැනි ශ්‍රේණිය - චිත්‍ර - කාන්තා රූප ඇතුලත් සාම්ප්‍රදායික සැරසිලි.

Ajith  W.Perera /Ruveena Amarasinghe .

චතුර්නාරි පල්ලැක්කිය.

* දෝලාවක නොහොත් පල්ලැක්කියක ආකාරයට සම්පිණ්ඩනය කරන ලද කාන්තා රූප හතරක සම්පිණ්ඩනයකි.

* මහනුවර ශ්‍රී දළදා මාළිගා⁣වේ වැඩහිටින මාළිගා⁣වේ උඩුමහලේ
මෙම චතුර්නාරි පල්ලැක්කිය සිතුවම දැකිය හැකිය.

*ස්ත්‍රී රූප දෙකක්  කකුල් පටලවා ⁣දෑත් දිගුකර සිටින අතර එම දෑත් දෙක දෝලාවක කඳ සේ ගෙන ස්ත්‍රීන් දෙදෙනෙකු ඔසවාගෙන යන ආකරයක් නිරූපිතය.

*දෝලාව ඇතුලත පියුමක් අතින් ගත් දෙව් කෙනෙකු හෝ බෝසත් කෙනෙකුගේ රූපයකි.

සප්ත නාරී පල්ලැක්කිය .

* කාන්තාවන් හත්දෙනෙකු  ගේ රූප ,පල්ලැක්කියක ආකාරයට
සම්පිණ්ඩනය කර ඇත.

* ශ්‍රී දළදා මාළිගා⁣වේ පිටමාලයෙහි මෙම සිතුවම දක්නට ඇත.

පංචනාරී ඝටය.

*කාන්තාවන් පස්දෙනෙකු ගේ රුව කළයක හැඩයට සම්පිණ්ඩනය කර නිර්මාණය කර ඇත.

* පාරම්පරික ඇත්දත් කැටයම් අතර බහුලව දක්නට ලැබෙන මෝස්තරයකි.

*මහාචාර්ය එදිරිවීර සරත්චන්ද්‍ර න්ට අනුව සශ්‍රීකත්වය මින් සංකේතවත් වේ.

* රිදීවිහාරයේ දොරට සවිකර තිබුණු ඇත්දත් කැටයම විශිෂ්ඨ නිර්මාණයකි.

* මහනුවර ශ්‍රී දළදා මාළිගා⁣වේ සහ වෙනත් පුරාණ විහාරස්ථානවල දක්නට ලැබේ.

සප්ත නාරී රථය.

* රථයක ආකාරයට කාන්තාවන් හත්දෙනෙකු ගෙන් මෙම සැරසිල්ල නිර්මාණයකර ඇත.

* රථයේ රෝද දෙකටද කාන්තාවන් දෙදෙනෙකු දක්වා ඇති අතර මධ්‍යයේ පත්තිනි දේවියගේ රූපය රථයේ ගමන් කරන ආකාරයට දක්වා ඇත.

නවනාරී කුඤ්ජරය.

* කාන්තාවන් නම දෙනකුගෙන් ඇතෙකුගේ රුව සැරසිලි කරඇත.

* ශ්‍රී දළදා මාළිගා⁣වේ පිටමාලයෙහි සිවිලිමේ මෙය සිතුවම්කර ඇත.

නාරීලතා මල.

* සාම්ප්‍රදායික මෝස්තර තුල නාරීලතා මල ලියවැලක් ලෙසද දක්වයි.

* කාන්තා උඩුකය පිපුණු මලක් ලෙස යොදාඇත.

* ඇම්බැක්ක දේවාලයේ ලී කැටයමක් ලෙස හා විහාර දේවාල රාශියක මෙම නාරිලතා මල දැකිය හැකිය.

*  නාරිලතා මල් ශ්‍රී දළදා මාළිගා⁣වේ එකිනෙකට වෙනස් වූ නිර්මාණ සම්පිණ්ඩනයක් ලෙස දක්නට ලැබීමද විශේෂත්වයකි.

7 වැනි ශ්‍රේණිය - චිත්‍ර - රූකඩ කලාව.

Ajith W. Perera /Ruveena Amarasinghe.

රූකඩ කලාව.

*රූකඩ කලාව අතීතයේ සිට පැවත එන අපේ සංස්කෘතික උරුමයක් සේම වර්ථමානයේ ඉතා ජනප්‍රිය ප්‍රාසාංගික කලාවකි.

*රූකඩයක් යනු සැහැල්ලු ද්‍රව්‍යයකින් සාදන ලද සත්ත්ව හෝ මානව අනුරුවක් යම් ක්‍රමයකින් ක්‍රියාත්මක කරවීමයි.

*මෙම ක්‍රියාත්මක කරවීමේ ස්වාභාවය හා භාවිතා කරන මාධ්‍ය අනුව රූකඩ වර්ග කිහිපයකට දැක්විය හැකිය.

¡. නූල් රූකඩ
¡¡.අත් රූකඩ
¡¡¡.සෙවනැලි රූකඩ
¡v. රිටි රූකඩ
v.ඇඟිලි රූකඩ

*රූපවාහිනී මාධ්‍ය තුළ අත් රූකඩ සහ රිටි රූකඩ ජනප්‍රිය වී ඇත.

*නූල් රූකඩ කලාව අතීතයේ සිට පැවත එන  ජන කලාවකි.චරිත සියල්ලම හැගීම් ප්‍රකාශනයෙන් ඉහළ මට්ටමේ පවතී

*ඓතිහාසික සිද්ධි මෙන්ම බෞද්ධ සාහිත්‍යයේ එන ජාතක කතා නාට්‍යානුසාරීව ඉදිරිපත් කරයි. ඒ අතර ඇහලේපොල කතාව, සිරිසඟබෝ , අජාසත්ත , කාලගෝල , පටාචාරා , අංගුලිමාල මෙන්ම වෙස්සන්තර ජාතකය වැනි කතාංග දැකිය හැකිය.

* වෙසක් පොසොන්  කාල මෙන්ම විහාරස්ථාන වල විවිධ ඉදිකිරීම සඳහා ආධාර සඳහද  රූකඩ සංදර්ශන සංවිධානය කරයි.

*පසුබිම් සංගීතය,දෙබස් කතනය,ගීත ගායනය.වේදිකා පසුතල නිර්මාණ, රූකඩ වල ඇඳුම් නිර්මාණය  සහ ආලෝකකරණය
මේ සියල්ලම රූකඩ ශිල්පීන් විසින්ම කරනු ලබයි.

*තිරය ඉහලට ඇකිළිය හැකි      කුඩා වේදිකාව ඇස්මට්ටමට ඉහළින් සකස් කරණු ලබයි.

*රූකඩ නිර්මාණ සඳහා බරින් අඩු කදුරු හා රුක් අත්තන  ලී උපයෝගී කරගනී.

*අත් පා හිස ආදිය චලනය කිරීම සඳහා බයිසිකල් වල ටියුබ් කැබලිසහ හැඩ ගැන්වීම සඳහා වර්ණවත් රෙදි කැබලි⁣,අත්මේස්,බොත්තම් ,පබළු, නූල් , මැලියම් සහ කම්බි ආදී විවිධ දේ භාවිත කරයි.

*අත් රූකඩ සරල ද්‍රව්‍ය භාවිතා වෙන් නිර්මාණය කරගත හැක.

*දකුණු පළාතේ අම්බලන්ගොඩ ප්‍රදේශය රූකඩ කර්මාන්තය සඳහා ප්‍රසිද්ධියක් උසුලයි.

7 වැනි ශ්‍රේණිය චිත්‍ර - කාටුන් නිර්මාණ.

Ajith  W. Perera /Ruveena Amarasinghe.

රූපවාහිනී කාටුන්

* සරල හා වියුක්ත හැඩ සහිතව නිර්මාණය කරන ලද රූප පරිගණක තාක්ෂණයෙන් සජීවීකරණයට පත්කිරීම කාටුන් ලෙස හඳුන්වයි.

*නිර්මාණවල විවිධ රසයන්(හාස්‍යය,විස්මය) මතුකිරීම සඳහා මන්දගාමී හා අධිවේගී චලන භාවිත කෙරේ.

*කාටුන් නිර්මාණවල විවිධ චිත්‍රමය ලක්ෂණ දැකීමට පුළුවන.

*මෙහිදී ළමා මනසට ගැලපෙන ආකර්ශනීය හැඩ හා වර්ණ යොදාගැනේ.

*අවට පරිසරය තුළ දක්නට ලැබෙන ස්වාභාවික හා නිර්මිත වස්තු කාටුන්  නිර්මාණවල දී සජීවී ලෙස ඉදිරිපත් කිරීම විශේෂ ලක්ෂණයකි.

*මෙම චරිත සියල්ලම හැගීම් ප්‍රකාශනයෙන් යුතුවේ.

*කතාව,දෙබස්,පසුබිම් සංගීතය හා ගීත,  කාටුන් නිර්මාණවල සාර්ථකත්වය සඳහා උපකාරීවෙයි.

*නමුත් විශිෂ්ඨ කාටුන් නිර්මාණ සේම ළමා මනසට නුසුදුසු නිර්මාණ බහුල  බැවින් වැඩිහිටි උපදෙස් මත කාටුන් තොරාගැනීම වැදගත් වේ.

*කාටුන් නිර්මාණ වල එන චරිත වර්ථමානය වනවිට ස්ටිකර් ලෙස සකසා වෙළඳපොලට එවීමත්,ළමුන් සඳහා භාවිත කරන විවිධ උපකරණ හා භාණ්ඩ අලංකරණය සඳහා යොදා ගැනීමත් දැකිය හැකිය.